上海闲话老上海过七夕要吃ldquo

怎么样可以治好白癜风 http://m.39.net/pf/bdfyy/
七夕节

今天你准备怎么过七夕呢？老早额辰光啊，上海地区在七夕时节流行很多“乞巧”的习俗。

这一天，家家户户都要拿麦粉、芝麻、白糖搅拌均匀，摊在台子上用擀面杖将其擀薄，然后晾到半干了再切开来，折成“同心结”的样子，摆进油锅煎到颜色金黄装盆，这种吃物就是“巧果”，吃“巧果”带有“乞巧必果”的意思。还有什么风俗快来了解下吧！

老上海个七夕作者：朱少伟；改编：张林龙；朗读：叶进（上海人民广播电台阿富根）

以下文字，需要用上海闲话念出来噢~

每年农历个七月初七，传说呢是牛郎脱织女两家头辣辣鹊桥相会个日脚。《诗经·小雅·大东》里就有搿能个描述“跂彼织女，终日七襄”、“睆彼牵牛，勿以服箱”。七夕作为一个民间节日，由来已久。

老早个辰光啊，上海地区辣辣七夕呢流行交关“乞巧”个习俗。迭个一天，家家户户侪要拿麦粉、芝麻、白糖搅拌均匀，摊辣台子浪向用擀面杖拿伊擀薄，然后呢?到半干了再切开来，折成“同心结”个样子，摆进油锅向氽到颜色金黄再装盆，搿种物事啊称为“巧果”，吃“巧果”带有“乞巧必果”搿个意思，所以秦锡田个《周浦塘竹枝词》里向：“薄薄铺平盘巧果，新翻花样费平章。”

更加有趣个是，迭一天啊小姑娘辣辣日里向，侪要搭档出门去摘凤仙花，然后捣汁染红自家个手指头，传说呢搿个会得让手指头变得灵巧，所以李行南个《申江竹枝词》里向讲：“金凤染成红指甲，玉尖片片弄桃花”；

乃末妇女呢辣辣迭一天个夜里向，侪要对仔着月亮光比赛用彩线个来穿绣花针，啥人速度快就算是“得巧”，所以倪绳中个《南汇县竹枝词》里向讲：“弯弯凉月挂银河，七夕穿针兴若何。”

考究个人家哦，搿天个夜到头啊还要辣辣庭院或者是天井里向头搞“乞巧会”，供桌浪向摆仔瓜果、鱼肉脱仔好酒，让小姑娘脱妇女点香烛遥拜牛郎星、织女星，祈求能够提高自家个女红技艺，难怪啊丁宜福个《申江棹歌》里向讲：“乞巧筵开露满庭，夜深还自拜双星。”

七夕个主要活动是“乞巧”，而且呢多数是由小姑娘脱妇女来参加个，所以也称为乞巧节、女儿节。迭个节日个习俗啊，一直到上世纪个六十年代还辣辣上海个乡下头延续，后来呢慢慢叫个消失了，只有“巧果”作为一种大家侪欢喜个传统点心流传了下来。

最近几年啊，勿少个年轻人又赋予七夕新个内涵了，拿伊作为“中国情人节”，迭个呢倒也是蛮有趣个。

作者简介

朱少伟：上海市政协委员、上海大学海派文化研究中心研究员、浦东新区作家协会副主席。

资料：“学上海话”